D’Formatiounen, déi no de Prinzipie vun der non-formaler Bildung oflafen, bréngen de Jonken déi néideg Animatiounstechniken a gewësse Kenntnisser iwwer Kanner a Jugendlecher bäi. D’Participante léiere wéi si Aktivitéiten plangen, organiséieren an duerchféieren a wéi se e Grupp Kanner oder Jugendlecher richteg leeden. D’Zil vun der Formatioun ass, déi zukünfteg Animateuren drop virzebereeden, wéi se d’Kanner gutt encadréieren op de Kolonien a Campen.